þar sem tíminn stendur kyrr....

Flatey er ein af náttúruperlum landsins og þekkt fyrir sitt einstaka tímaleysi. Á eyjunni búa í dag 5 einstaklingar allt árið um kring, en á sumrin bætast við ferðamenn og eigendur sumarhúsa sem margir hverjir eiga ættir sýnar að rekja til Flateyjar.

Þegar rölt er um eyjuna er eins og að vera komin um 100 ár aftur í tímann. Húsin í gamla þorpinu hafa verið gerð upp í hinum litskrúðuga gamla stíl og augljóst að mikið er lagt upp úr að halda í upprunalegu mynd þorpsins.

Fyrir ferðamenn er margt að sjá og skoða í eyjunni; einstaka náttúru, fjölskrúðugt fuglalíf, kirkjuna með málverkum Baltasars, kyrrðina, tímaleysið, gömlu bókhlöðuna, söguslóðir og gamla þorpið. Ef hungrið sækir að er hægt að gæða sér á ljúffengum kræsingum í veitingasal Hótel Flatey eða taka með sér nesti og fara í ævintýralega lautarferð með fjölskyldunni.

 

Auðvelt aðgengi - Ferjan Baldur

Á sumrin siglir ferjan Baldur daglega tvær ferðir yfir Breiðafjörðinn frá Stykkishólmi til Brjánslækjar með viðkomu í Flatey. Það er því hægt að skreppa í út í eyju í nokkra klukkutíma, heilan dag eða jafnvel nýta sér eitthvað af gistimöguleikunum og njóta eyjunnar í lengri tíma.
Fyrir þá sem ferðast með bíl, er mögulegt að senda bílinn á undan sér yfir fjörðinn á meðan stoppað er í Flatey. Þetta er mjög hentugur kostur fyrir þá sem eru t.d. að ferðast yfir á Vestfirði en vilja stoppa á leiðinni og njóta eyjarinnar um stund.

Gistimöguleikar í Flatey

Í Flatey er boðið upp á fjölbreytta gistimöguleika:

• Hótel Flatey , sími: 555 7788. Hótelið er staðsett í miðju þorpinu í einstaklega vel uppgerðum húsum. Veitingasalur hótelsins er í gamla samkomuhúsinu þar sem Flateyingar dönsuðu og skemmtu sér í marga áratugi. 
• Læknishús, sími: 438 1476. Heimagisting.
• Krákuvör, sími: 4381451. Heimagisting og tjaldsvæði.

Afslættir í Flatey

Sumarið 2009 er boðið upp á frábæra fjölskylduafslætti með ferjunni Baldri út í Flatey. 

• Börn 0-15 ára fá frítt (í fylgd með foreldrum).
• Unglingar 16-20 ára fá helmingsafslátt (í fylgd með foreldrum).
  

Einnig er hægt að kaupa 20 eininga kort sem veita 25% afslátt af verðskrá Baldurs.

Sjá nánar um þau í verðskrá eða á skrifstofu Sæferða í síma 433 2254. 

Athugið að veittur er 10% aukaafsláttur ef bókað er í gegnum vefinn!

Kvikmyndin Brúðguminn - Tekinn upp í Flatey

Brúðguminn, nýjasta kvikmynd Baltasars sem kom út í vetur, var að mestu leiti tekin upp í Flatey. “Myndin hefur hlotið verðskuldaða athygli en í henni má sjá einstaklega fallegar og hugljúfar senur úr eyjunni. Við finnum fyrir auknum áhuga á Flatey í kjölfar myndarinnar og það hefur færst mikið í vöxt að fólk kaupi gjafabréf á Hótel Flatey og ferð með ferjunni til að gefa í stórafmælisgjafir” segir Kristrún Konráðsdóttir, markaðsstjóri Sæferða. 

---

Undirvalmynd

Póstlisti

Skráðu þig á póstlistann og fáðu send tilboð og fréttir. Við drögum vikulega út heppna sem vinna gjafabréf fyrir fjölskylduna :)

Netfang

Sendi skráningu