Komdu einhverjum á óvart og búðu til þína eigin ferð

Sæferðir bjóða upp á úrval af einkaferðum fyrir einstaklinga og smærri hópa (2-50 farþegar). Ef hópurinn þinn er stærri þá eru upplýsingar hér.

Hér fyrir neðan má finna tillögur að ferðum sem vonandi geta gefið þér hugmynd um hvað hægt er að gera  :)
Hafðu svo samband við okkur og í sameiningu búum við til draumaferðina fyrir þig og þína.

Rómantísk Ævintýraferð

	Upplýsingar
	Frá:	Stykkishólmi
	Hvenær:	maí - sept.
	Lengd:	6-7 klst.
	Verð:	Tilboð

Þessi sérferð byrjar sem útsýnissigling um suðureyjar Breiðafjarðar þar sem skoðaðar eru eyjarnar óteljandi (ekki samt alveg allar), sjávarfallsstraumar og fuglarnir fljúgandi. Svo byrjar fjörið - rennt er fyrir fiski á sjóstöng.  Breiðafjörðurinn býður upp á gjöful fiskimið og því ætti að veiðast vel. Þoskurinn er sá sem oftast bítur á.
Hápunktur ferðarinnar er svo þegar farið er út í Drápssker þar sem leynist algjörlega einstök laug. Gestir fá tækifæri tl að baða sig í lauginni umkringdir Atlantshafinu!
Því næst er haldið til Flateyjar þar sem tíminn hefur staðið í stað áratugum saman. Eftir rölt um eyjuna bíður eftir ykkur rómantískur kvöldverður á Hótel Flatey.

Athugið að þessi ferð er mjög háð veðri og sjávarföllum.

Undur Breiðafjarðar

	Upplýsingar
	Frá:	Stykkishólmi
	Hvenær:	Allt árið
	Lengd:	3,5 klst.
	Verð:	Tilboð

Við siglum um eyjarnar óteljandi, skoðum ótrúlegar bergmyndanir, sterkustu sjávarfallstrauma landsins og fuglana fljúgandi.


Hægt er að bæta við tíma fyrir sjóstangveiði.

Miðnætursigling

	Upplýsingar
	Frá:	Stykkishólmi
	Hvenær:	maí - júlí
	Lengd:	8 klst.
	Verð:	Tilboð

Þessi ferð byrjar á stuttri siglingu um suðureyjar Breiðafjarðar, þar sem siglt er um eyjarnar óteljandi, skoðum ótrúlegar klettamyndanir og sjávarfallsstrauma og kíkjum á fuglana.

Því næst er haldið áleiðis til Flateyjar.  Gengið er með leiðsögumanni um eyjuna þar sem áður bjuggu um 300 manns (í dag aðeins 5 manns).  Eftir gönguna bíður yndælis matur eftir hópnum í Samkomuhúsinu - veitingastað Hótel Flateyjar.

Fyrir miðnættið er svo gengið á hæsta punkt eyjarinnar - sem eins og nafnið bendir e.t.v. til er ekki mjög hár, og njótum miðnætursólarinnar.

Svo er haldið til baka til Stykkishólms - eða nóttinni eytt á Hótel Flatey.

---

Undirvalmynd