Skeljasmakk, óborganlegt útsýni, fuglarnir, eyjarnar óteljandi og glæsilegt hlaðborð

Sæferðir í Stykkishólmi bjóða upp á glæsilegar veisluferðir og á vorin og haustin eru sérstök tilboð í þessar ferðir.

Þessar ferðir eru tilvaldar fyrir starfsmannahópa, skemmtiferðir fyrirtækja og félagasamtök sem vilja gera sér glaðan dag.

Hér má sjá myndir úr Veisluferðum Sæferða

Lýsing á Veisluferð

Í veisluferðum Sæferða er siglt um óteljandi eyjar Breiðafjarðar, söguslóðir heimsóttar og sterkustu sjávarfallastraumar við Íslandsstrendur kannaðir.

Á sumrin iðar svæðið af fuglalífi og þá má meðal annars sjá toppskarfa, lunda, ritu, kríu, fýl, æðarkollu og stundum jafnvel haförninn, konung íslenskra fugla.

Hápunktur ferðarinnar er þegar plógur er settur út og upp koma ýmis skeldýr af botni sjávar. Gestir okkar fá tækifæri til að skoða gersemarnar..... en einnig smakka á hörpuskel og ígulkerjahrognum sem eru hið mesta lostæti beint af hafsbotninum!

 Á heimleiðinni er svo boðið upp á glæsilegt hlaðborð og óborganlegt útsýni - sjá matseðil hér til hliðar

Frekari upplýsingar og bókanir

Endilega hafið samband við okkur í síma 4332254 eða á tölvupósti

---

Undirvalmynd