Flatey

Flatey er ein af náttúruperlum landsins og byggðin þar alveg einstök. Í eyjunni búa í dag 5 einstaklingar allt árið um kring en á sumrin bætast við ferðamenn og eigendur sumarhúsa.

2 klst Áætluð sigling

Húsin í þorpinu hafa verið gerð upp í þeim litskrúðuga stíl sem þekktur var fyrir um það bil 100 árum síðan. Fyrir ferðamenn er margt að sjá og skoða í eyjunni. Má þar nefna einstaka náttúru, fjölskrúðugt fuglalíf, kirkjuna með málverkum Baltasars, kyrrðina, tímaleysið, gömlu bókhlöðuna, söguslóðir og gamla þorpið. Ef hungrið sækir að er hægt að gæða sér á ljúffengum kræsingum í veitingasal Hótel Flateyjar, fá sér kaffi og kökur í Bryggjubúðinni eða taka með sér nesti og fara í ævintýralega lautarferð með fjölskyldunni.

 

Litlir landkönnuðir fá jafnframt afhent spennandi fjársjóðskort og geta lagt upp í spennandi leiðangur um eyjuna og leitað að fjársjóðinum í Flatey. Leggðu upp í leiðangur og uppgötvaðu „Fjársjóðinn Flatey“. Frábær skemmtun fyrir alla fjölskylduna.

 

Gjaldskrá    |    Siglingaáætlun

 

Ævintýraleg lautarferð með fjölskyldunni